بيتزا فراخ طريقه سهله وسريعه

للكل عروسه جديده اموره طبعا عايزه تعملي احلي الاكلات لعريسك ومفيش احلي من البيتزا
ومفيش حد مش بحبها
هعلملك ازاي تعملي احلي بيتزا واحسن من اي مطعم اكلتي فيه هاتي ورقه وقلم وتعالي اكتبي ورايا
المقادير يا عروسه :
1_ نص كيلو دقيق يعني حوالي 2 كوبايات دقيق
2_معلقه صغيره زعتر مطحون
3_نص معلقه صغيره ملح
4_معلقه صغيره سكر
5_معلقتين صغيره خميره بيرا
6_بهارات البيتزا الايطاليه هتلاقيه في اي سوبر ماركت
7_معلقه صغيره توم ومعلقه بصل مطحون
8_كوبايه مايه دافيه
9_2 طماطم متوسطه
10_4 معالق كاتشب
11_ 3 فصوص توم
12_ملح وفلفل وشويه كزبره ناشفه مع شويه خل صغيرن خالص اوعي تكتري
الـطريقه يا عروسه :
اول حاجه هتجيبي طبق غويط
وترشي نص معلقه ملح ع الدقيق كله  وكمان الزعتر ترشيه زي الملح 
وتكوني مجهزه الميه الدافيه واحاطه فيها معلقه سكر ومعلقتين الخميره وتغطيهم وتسبيهم علي جمب يخمروا شويه
وبعدين تجيبي الدقيق وتعملي حفره فيه في النص طبعا وتحطي 4 معالق زيت وبعدين تجيبي الكوبايه  اللي فيها الخميره والسكر
وتحطيها فيها علي الدقيق والزيت
وبعدين تقلبي العجينه كويس ويكون جنبك شويه مايه دافيه علشان لو العجينه محتاجه مايه تاني
وكل شويه تبلي ايدك با الميه او الزيت علشان العجينه متلزقش في ايدك
وبعد ما تخلصي تجيبي كيس وتحطي العجينه فيه وتسبيها تخمر حوالي ساعه 
وبعدين هتجيبي طاسه وتحمري التوم لحد مالونه يبقي اصفر وبعدين تحطي الطماتم والكاتشب  والبهارات والخل
وتسبيهم لحد ما تتسبك 
ومش هتاخد وقت كتير ع النار
وبعدين تجيبي الفراخ تكوني متبله الصدور من ساعتين في الثلاجه
وتقطعيهم قطع صغيره وتشوحيهم وتحطي عليهم نص كوبايه مايه ومرقه دجاج لحد ماتستوي 
وبعدين تجيبي جبنه شيدر علشان تحشي اطراف البيتزا  وكمان تجيبي جبنه موزاريلا 
نفرد العجينه وفي اخر اطرفها نفرد جبنه الشيدر ونلفها  وتدهن با الصوص
وبعدين نحط الزينه اللي عملنها طماطم زيتون فلفل حسب الرغبتك اللي تحبيه تحطيه والفرخ والجبنه موزاريلا
وقت الطهي مش هيكمل 15 دقيقه
التحضير 20 دقيقه
الكميه هتكفي 4 اشخاص
وبا الهنا والشفا يا احلي عروسه
تابعي موقعنا هيوصلك كل جديد