شعر الوجه مشكله بتعاني منها كل بنت وكل ست وخصوصا البنات بتبقي مشكله كبيره في حياتهم علشان في بعض المناطق خصوصا الصعيد مش بتوافق الام علي ازاله الشغر لو بنتها لسه صغيره يعني التقاليد بتمنع كده في ناس كتير هتستغرب كلامي
بس للاسف موجود ممنوع علي البنت ازاله شغر الوجه غير لما تبقي مخطوبه وممكن لما تروح الكليه ودي مشكله بتقابل بنات كتير
خصوصا اللي عندها شغر غزير انا بقي فكرت كتير في حل وبعد البحث علي المواقع لقيت حاجه هتساعدك كتير
ومش هتكسفي تاني من شغر وجهك
وطبعا قبل ما اكتبها ليكم جربتها علشان اتاكد منها
احنا مش هنشيل شعر نهائي احنا كل اللي هنعمله هنخفيه هنخفيه ازاي بقي هاتي ورقه وقلم وتعالي اكتبي معايا
هتجيبي معلقه صغيره اكسجين بقوه 10
وكمان ربع معلقه نشادر
ومعلقه صغيره كريم شانتيه
هتجيبي كل المكونات اللي قولتلك عليها وتخلطيهم مع بعض وتوضع علي الوجه خلي بالك من عيونك اوعي تقربي التركيبه منهم
هتسيبي التركيبه علي بشرتك ربع ساعه وبعدين اغسليه كويس
كرريها 4 ايام ورا بعض وبعدين وقفي متستخدمهاش اسبوع وارجعي تاني كرريها 4 ايام وقفي اسبوع
